Hichki ka Ilaj – Hiccups Treatment in Urdu

Mostly cases main hichki ka ilaj zaruri nahi hota q k thory time k bad ye khud hi khatam hojati ha…

Hichki lagna tab start hoti ha jab apky organ diaphragm ki achanak se contraction hojaye jo k apko andar sans leny main help karta ha.

Hichki body ka aik automatic action hota ha jisy hum rok nahi sakty lekin khansi or zukam ki tarha iska hamari body k liye koi faida nahi hota…

Isi liye agr apko aksar hichki ana start hojati ha to ap apni hichki ka ilaj foran se karein.

Hichki ka ilaj in Urdu:

Apko hichki kam time k liye Ati ha ?

Agar apko hichki kam time k liye ati ha lekin ap isky khatam hony ka intezar nahi kar sakty or apni hichki ka ilaj karna chahty hain to ye kuch totkay hain jo k ap istemal kar k asani se hichki ka ilaj kar sakty hain q k ye totaky already mostly logon k liye kam kar rahy hain.

1: Barf jitna thanda pani piyen.
2: Apny sans ko thori dair k liye roky rakhien.
3: Lemon ki aik bite lain.
4: Dany dar cheeni Nigal lain.
5: Thora sa lemon khany k bad shehad piyen.
6: Apni kohnion (Kness) ko apni chest par rakhien or apni chest ko is se aram se dubana start kar dain.

Ye Article b Check Karein: Sar Dard ka ilaj Fori 

Ye kuch methods hain jo k kafi logon k liye kam karty hain hichki ka ilaj karny k liye lekin inka koi medical research nahi ha isi liye exactly batana mushkil ha k konsa method sab se ziada better ha…

Ap ko jab b hichki ka problem ho ye methods use karein or jo b apky liye kam kary next time se usi ko istemal karein.

Mujy jab b hicki ka problem hota ha to main barf jitna thanda pani peeta hun jis se thory time main hi problem katam hojata ha.

Agar apko hichki ziada time k liye lagti ha to ye USE Karein:

Ziada time k liye any wali hichki bohat ki kam logon ko hoti ha jiski reason kuch or bemari ho sakti ha jaisa k Acid Reflux (Dil ka Jalna) or isky elawa b kuch bemarian hain jo k hichki ki waja banti hain.

Lekin kuch cases main lagatar hichki lagny ki koi waja nahi hoti lekin ye bohat hi tang karny wali hichki start hojati ha…

Kuch reasons ye hain jinki waja se apko long time k liye hichki lag sakti ha jaisa k steroids, painkillers or methylpoda ka istemal karna.

High blood sugar or low calcium or potassium ka blood main kam hona iska bais banta ha.

Hichki ka ilaj jo k long term k liye apky peechy pari ye ha k sab se pehly uper diye gaye totaky istemal karein agar in main se b koi apky liye kam nahi kar raha to isky liye apko nearest doctor ko visit karna pary ga…

kuch medicines idhar given below hain lekin meri suggestion ye ha k ap kindly ye medicines doctor se pochy bagair istemal na karein q k inky kuch side effects ho sakty hain but doctor se mashwara karny k bad ap inhain istemal kar sakty hain.

Chlorpromazine or haloperidol wo medicines hain jo k apky diaphragm muscle ko relax karny main help karti hain or iski nerve supply ko b relax karti hain jis se apky hichki kam hojati ha.

Agar apki hichki ki waja stomach problem ha to ap anti-acid medicines istemal kar sakty hain jaisa k omeprazole or ranitidine hain isky elawa ap stomach ko khali kary k liye metoclopramide jaisi medicine istemal kar sakty hain.

Baclofen b aik medicine ha jo k apky muscles ko relax karny me help karti ha…

Isky elawa Gabapentin aik aisi medicine ha jo k apki nerver supply ko easy kar deti ha or is se apka diaphragm sahi method se kam karny lagta ha or apki hichki khatam kar deta ha.

Ye kuch medicines hain jo k adult agar unko hichki ki waja doctor bata de ya pata chal jaye to easily istemal kar sakty hain q k ye worldwide use hony wali medicines hain or already 80% doctors apny patients ko suggest karty hain.

Umeed ha k jab ap doctor k pas checkup karwany jain gy to wo b apko in main se hi koi medicines suggest karein gy…

Akhri Alfaaz:

Isky elawa last bat yeh kehna chahon ga k log kehty hain hichki ka ilaj desi totkay se kiya jaye lekin is se mery aik apny family member ko side effect ho gaya tha or uski hichki ki bemari bohat ziada barh gayi thi.

Isi liye hichki ka ilaj uper diye gaye natural method se karein ya phir ye verified medicines istemal karein.

Mazeed help k liye ap neechy comment kar sakty hain and I’ll reply you as soon as possible.

5 Replies to “Hichki ka Ilaj – Hiccups Treatment in Urdu”

        1. Brother ap honey water me mix kar k istemal karen or Chlorpromazine ya haloperidol medicines doctor se pochny k bad istemal karein…

          Thanks and keep visiting Fit Pakistani

Leave a Reply

Your email address will not be published. Required fields are marked *