Kamar Dard ka ilaj in Urdu

Kamar dard ka ilaj apki pain par depend karta ha k wo kitni serious dard ha ya kitni dair se apko problem kar rahi ha.

Agar ap usky hisab se medicine ya exercise nahi karty to wo khatam nahi hoti…

Kamar ka dard khatam karny k liye kafi sari treatments idr diye gaye hain jo k ap use kar sakty hain, or easily apny problem ko solve kar sakty hain.

Kamar dard ki kafi wajohat hoti hain jaisa k ap kuch heavy weight lift karty huwy galat direction main bent hogye hain ya recently galat posture main soye hain…

Isky elawa b kafi reasons hoti hain or mostly ye pain kamar k neechy waly hissy main start hoti ha.

Kamar Dard ka ilaj:

Move Karty Rahien:

Kafi log samajty hain k kamar dard ka ilaj karny k liye hamain bed rest karni chahiye jis se hamary muscles relax hojaty hain…

Lekin American research k mutabik rest karny k elawa agar ap active rehty hain or apny kam k liye phirty rehty hain to is se b apki kamar ka dard khatam ho sakta ha.

Agar apki kamar ka dard bohat ziada ha to apky liye move karna mushkil ho sakta ha lekin agar ap thori himmat karein or apny ghar k pas ya roof par thori dair k liye walk karein to ye apki kamar dard ko kam kar dega.

Medicine:

Most of the time main aisi choti problems k liye medicine suggest nahi karta lekin kamar ka dard bardasht karna bohat mushkil hota ha isi liye apko apni walking activity karny k sath sath aik painkiller b le lena chahiye.

Is k liye apko koi heavy painkiller nahi lena ha chahy dard kitni hi ziada ha or Paracetamol wo medicine ha jisy doctors sab se ziada back pain k liye suggest karty hain.

Isky sath ye kehna lazmi ha k pain killer tab lain jab apki dard bardasht se bahir ha.

Q k mostly pain killers k side effects hoty hain ya apki body iski addict ho sakti ha means next time apki kamar ka dard tab tak khatam nahi hoga jab tak ap medicine istemal nahi karty hain.

Zara Ye b Check Karein: Joron ka Dard Khatam Karein

Thanda or Garam Lagain:

Agar ap medicine nahi khana chahty to main appreciate karunga k ye apka acha decision ha…

Phir ap aisa karein k hot water (Neem garm pani) se bath lain or apni dard wali jagha par garam pani ka ziada istemal karein or thori dair k liye lait jain is se apki pain bohat kam hojayegi.

Jaisa k main America main reh chuka hun, to udhar mostly log kamar dard ka ilaj baraf (ice) se b karty…

I mean isky liye ap baraf ko plastic bag (Shopper) main dalein or apni pain wali jagha par us se massage karein is se apki pain bohat kam hojayegi.

Relax Karein or Chill Rahien:

Relax ka matlab hi hum ne change kar k rest karna (Lait jana) rakha huwa ha lekin apne is dafa relax aisa karna ha k chair par beth jain or apni arms chair ki arms par rakhien…

Isky sath gehra sans is tarha se lain k nose se inhale karein or mouth se exhale karein, 2-3 minutes k liye isi tarha sans lety rahien is se ap bohat relax feel karein gy.

isky elawa jab b apko kamar ka dard ho to khud ko chill matlab positive rakhien (K meri pain ziada nahi ha or khatam hojayegi).

Ye scientific method ha or research kehti ha k jo log kisi b pain main mentally strong rehty hain or believe rakhty hain unki pain jaldi khatam hoti ha as compared to un logon k jo kehty hain main to kam par b nahi ja sakta or han aj family ko bahir b le kar jana ha…

So don’t be like that keep doing your work while you got back pain.

Apna Sleeping Posture change Karein:

Kafi cases main kamar ka dard isi wajah se hota ha k apka sony ka posture theek nahi hota jis se problem start hojati ha.

Agar ap aik side par soty hain to apni legs ko apni chest ki taraf thora sa mor lain or apni legs k darmayan main pillow rakh kar sleeping mode main jain…

Agar ap startaight soty hain to apni kohnion (knees) k neechy pillow rakhien is se apki back ko normal curve leny main help mily gi.

Ye apki body k liye sab se ziada rest waly postures hain jo k apki kamar dard ka ilaj almost adha to kar hi dain gy, or ap uthny k bad relax feel karein gy bajaye k dard main uthny k….

Light Exercise Karein:

Kamar ki dard ka ilaj karny se pehly iski wajah janny ki try karein jaisa k iski common problems weight ka ziada hona, galat posture ka hona ya ziada stress hona ho sakti hain.

Or ye sab problems ap exercise se solve kar sakty hain, Aerobix exercises (running, walking, swimming, cycling) main se apni favorite exercise select karein or usy daily 10-15 minutes k liye karein.

Starting main ziada exercise karny ka faida nahi balky nuqsaan hota ha isi liye main suggest karunga k starting main sirf 10-15 minutes exercise karein usky bad slowly time ko barhaty jain, warna itna b enough ha.

Ziada Time se Kamar Dard ka Ilaj:

Agar apko kamar ka dard 6 hafton (weeks) se ha to ye serious problem ha jisy chronic back pain b kaha jata ha or is type ki kamar k dard ka ilaj ap following tips se kar sakty hain plux uper diye gaye methods ko b apni daily routine main istemal karna start karein.

Exercise Classes Lain: Is type ki dard k liye special exercise classes hoty hain jo k ap certified gym instructor se guide ly sakty hain, jo k apky muscles ko strong karny main help karti ha or apky posture ko improve karti ha, waisy aerobic exercise se start lain wo b perfect hain.

Therapy: Kamar k dard ka ilaj kuch therapies se b kia jata ha jaisa k manipulation, mobilisation or massage jo k ap apny pas waly physiotherapist se condition bata kar best wali le sakty hain, is se apki pain kuch time k liye nahi balky permanently khatam ho sakti ha.

Acupuncture: Ye ziada time se kamar dard k ilaj k liye best method ha jis main soiyan (needles) apki body k different points main lagai jati hain jis se apki kamar ka dard hamesha k liye khatam hojayega, ye ap kisi b special hospital se mashwra ly kar karwa sakty hain.

WARNING: Ye treatments sirf un logon k liye hain jin ki back pain bohat serious ha or kafi time se ha isky elawa ye treatments doctors proper test k bad hi suggest karty hain jo k hamesha k liye kamar dard ka ilaj samja jata ha.

Kamar k Dard ka Ilaj ye Treatments se Na Karein:

Isky elawa b kamar dard ka ilaj bohat c treatments se kiya jata ha jo k verified methods nahi hain or apki problem ko or b barha sakty hain jaisa k desi kamar dard ka totka…

Low level laser therapy, interferential therapy, therapeutic ultraound, lumbar supports, traction, injections.
Ye therapies or treatments National Institue of Health and Care Excellence (NICE) se registered nahi hain q k inka kamar k dard ka ilaj karny k liye ko reports nahi hain or mostly un logon par istemal kiye jaty hain jinko iski information nahi ha or earning source k liye use kia jata ha.

Agar ap in treatments main se already koi so called kamar dard ka ilaj kar rahy hain to usko jitni jaldi possible ha khatam karein chahy wo jitna b trusted hakeem ya doctor ha q k is se apki problem us level tak barh sakti ha jidr iska solution sirf surgery rehta ha.

Umeed ha ap is article se apni kamar dard ka ilaj easily ghar par kar sakty hain or agar ziada severe problem ha to uper diye gye treatments doctor k sath discuss karein wo apko best wala suggest kar dain gy, Mazeed Info k liye ap neechy comment kar sakty hain I will be happy to meet you in the comments section as well.

Leave a Reply

Your email address will not be published. Required fields are marked *