Fori Khansi ka ilaj Karne k Totkay

Khansi ka ilaj: Ye aik bohat hi normal cheez ha jo k haamry balgham or dosry nutrients se galy ko saaf rakhti ha…

Lekin agar lagataar khansi any lag jaye to ye bohat c problems ki nishani ha or tab khansi ka ilaj karna lazmii ha…

Khansi se hamari normal life main b problems aati hain jaisa k jo kam kar rahy hain wo ruk jayega, or agar kisi k sath resturant me khana kha rahy ho to wo yehi kahy ga k iski khansi kab khatam ho gi

To is Article ko parhny k bad ap apni har qisam ki khansi kha ilaj khud kar sakein gy…

Khansi ki 2 major types hain jaisa k khushak khansi or balgham wali khansi jisy productive cough b kaha jata ha is main apki khansi k sath balgham b ata ha.

Balgham wali khansi ko rokna nahi chahiye q k ye apky lungs se jitna b balgham ha usko khatam karti ha isi liye balgham ka ilaj bohat zarori ha.

To agar usky liye ap ye neechy di gayi home remedies istemal karty hain to us se na sirf apka balgham khatam hojayega balky khansi b ruk jayegi.

Khushak khansi aik dosri story hain, jis ki normally waja allergies, khushak air, galy main ziada time k liye kharaash ajana, ya mati main bahir ghoomna wagaira…

To ye home remedies main wohi ingredients hain to isky liye medicines use karny k bajaye ap ye home remedies se khansi ka ilaj karein…

Q k medicines se apko mazeed side effects k sath problem barh sakti ha…

Khansi ka ilaj in Urdu:

Jaisa k main ne apko already bataya ha k ye home remedies main b apki khansi ki medicines wali ingredient hain lekin isy hum khansi ka desi ilaj b keh sakty hain jo k apki health ko b effect nahi karyga or problem b solve hojayegi.

Shehad (Honey):

Aik Study k hisab se ye bat proof ki gayi ha k shehad khansi ko khatam karny k liye kisi b special medicine se ziada jaldi effect karta ha.

Jaisa k ap ye already apny ghar par kisi se sun chuky hongy k shehad se khansi khatam hojati ha lekin hum to fast wali generation hain to medicines hi khain gy wo b fast wali.

Actually khansi k liye jab ap medicines khaty hain especially khushak khansi k liye to mostly medicine jo k hard hoti hain khansi to khatam kar deti hain lekin apky internal system ko mazeed dry kar deti hain, Jis se mostly logon ko lagataar khansi lagny lag jati ha.

Back to Point, Shehad main demulcent bohat ziada hoty hain jo k hamary effected membranes ko repair karny me help karta ha or isky elawa is main kafi antibacterial properties hoti hain jo k hamary bacteria ko khatam karti hain.

To ap Sirf daily 2-3 dafa 1 Chamach shehad khain is se apki cough bohat kam time main ziada time k liye khatam hojaye gi.

Namak+Pani:

Ye b aik famous khansi ka gharelu ilaj karny ki home remedy hain jo istemal kar k ap na sirf apny galy ki discomfort ko khatam kar sakty hain balky ye apki sozish b khatam karta ha…

Isky elawa agar apko balgham wali khansi ka problem ha to usy b solve kar dega.

Half Glass neem garam Pani main 1 teaspoon Namak ko sahi se mix karein or daily tab tak istemal karein jab tak apki khansi na khatam hojaye.Is se apki khansi kuch time k liye nahi balky officially khatam hojayegi.

Adraak Syrup:

Adraak ka syrup khansi ka totka b ha jo k apki cough ko khatam karny main help karta ha q k mucuous ko lungs se khatam karny main help karta ha…

Isky elawa ye apki galy ki kharash ko khatam karta ha or pain ko bohat kam karta ha, Soagar apka problem thora sa ziada ha to isy zaror istemal karein.

Istemal karny ka Tarika:

Adraak ko choty pieces main cut kar lain or 4 Glass pani or 3 chamach kata hwa adraak boil karny k liye rakh dain…

Isko thori flame par heat karein or jab tak apka solution boil ho kar adha na hojaye flame band na karein.Usky bad isy thanda kar lain or 1 chamach shehad (honey) daal dain.

Is Adraak syrup ko kisi bottle me store kar lain or daily 1-2 chamach piyen ap bohat achy results deikh sakain gy.

Milk + Honey:

Jaisa k main ne apko bataya ha k honey aik anti-inflammtory properties wali product ha or hot milk muscus jo k khansi ki wajah banti ha usko apki chest se khatam karny main help karta ha.

In dono ko mila k jo product ha usy b khansi ka ilaj karna possible ha, Main ne personally ye try nahi kia lekin ye kafi logon k liye kam kar raha ha isi liye idhar mentioned ha.

Istemal Karne ka Tarika:

1 teaspoon honey ko 1 Glass hot milk main mix karo or sony se pehly lazmi piyen.Ye apko quality sony k elawa apki kahnsi ko khatm karny me b help karta ha.

Jaisa k isky koi side effects nahi hain to ap isy daily istemal kar sakty hain.

Khansi se Bachne ki Tips:

Khansi ka ilaj karny k elawa apko is se Ehtiyat karna chahiye q k iski irritation hum main se kisi ko b pasand nahi hoti, So in methods ka khayal rakhien is se ap further kisi khansi k problem se bach sakty hain ya kisi ko bacha sakty hain.

1: Agar kisi or ko khansi ka problem ha to usky ziada qareeb jany se guraiz karein agar wo apky close ya loved ones hain to b,isky elawa agar apko pata ha k apko khansi ya zukam ha to college ya office jany se guraiz karein q k is se kafi or logon ko b ye problem ho sakta ha.

Uski waja yeh ha k ye kuch viral infections hoty hain jo k bohat hi jaldi next person ko effect karty hain or jitna ziada ho saky usy b tang karty hain, To koi apko bury waly alfaaz se yad kary ya ap kisi ko bury alfaaz se yad karein to ye gentle bat to nahi ha.

2: Isky elawa ap jab b khansi karein to apny face ko lazmi cover karein is se na sirf ap dosron ko is se bacha lety hain balky ap mazeed infections se b bach jaty hain.

3: Ziada se ziada pani piyen or isky elawa liquids piyen ye apko hrdrated rakhta ha or aisi problem se jitna ho saky bacha leta ha.

4: Apny Hath wash karein especially jab ap cough kar rahy hon is se b ap bohat c problems se bach sakty hain.

I Know ap main se kafi log ye soch rahy hongy k ye to hamain already pata hain lekin it’s my duty k main apko again se remind karwaon q k aisi choti disease ki wajah mostly hamari apni kuch mistakes hoti hain or blame hum us resturant ko de dety hain jahan se khana khaya tha.

Well, ap uper di gayi home remedies se apni khansi ka ilaj easily kar sakty hain jo k foran se effect nahi karti lekin behtareen kahnsi ka desi ilaj ha, Ap apni khansi ka ilaj kaisy karty hain neechy comments main batain.I will be happy to meet you in comments !!!

Leave a Reply

Your email address will not be published. Required fields are marked *