Khoon Ki Kami ka ilaj Totkay Urdu

Khoon ki kami ka ilaj: Is ko iron deficiency anemia b kaha jata ha jis main iron ki kami ki waja se body main red blood cells ki kami hojati ha.

Iron red blood cells banany k liye istemal kia jata ha, jo k oxygen ko store karny main help karty hain.

Agar apki body main red blood cells kam hain to ap ko jitni oxygen chahiyen ap us se bohat kam hasil karein gy, Yehi waja ha k khoon ki kami ka ilaj bohat zarori ha.

Anemia ki kafi types hain lekin sab se common type yehi ha k jis main red blood cells ki kami hojati ha, isky elawa anemia ki wajah Vitamin B12 ki kami ho sakti ha.

Khoon Ki Kami ki Alamat ?

Khoon ki kami ki ya iron ki kami ki bohat c alamat hain lekin un main se sirf kuch hi mareez ko pata chalti hain or ye anemia bohat hi jaldi se barhta jata ha, kuch common alamat ye hain…

1: Bohat ziada thak jana or energy ka bohat kam hona.

2: Sans ka kam ana ya ruk kar ana.

3: Dil ki dharkan ka clear mehsos hona.

4: Rang ka zard (Peela) par jana.

Isky elawa kuch bohat kam khoon ki kami k mareezon main paii janay wali Alamat yeh hain…

1: Sir ka dard.

2: Har cheez ka ajeeb sa taste ana.

3: Har waqat kharish mehsos karty rehna.

4: Balon ka bohat ziada girna.

5: Nakhun ka color badal jana.

Khoon ki kami ki wajohat normally men or women main stomach main ya intestines me bleeding hoti ha, or mostly females main ziada periods ya pregnancy b iron ki kami ki wajah ban jati ha.

Lekin apko is se pareshan hony ki ya koi medicines khany ki zarorat nahi ha q k ap khoon ki kami ka desi ilaj I mean Urdu Totkay se blood ki kami ka ilaj kar sakty hain.

Khoon ki kami ka ilaj:

Chukandar (Beetroot):

Chukandar un logon k liye bohat faidy mand ha jo k iron ki kami ki waja se anemia ka shikaar hojaty hain.Is main iron bohat ziada hota ha or isky elawa calcium, potassium, fiber, sulfur ki b achi amout hoti ha.

Isky elawa chukandar apki body ko ziada oxygen leny main b help karti ha or apky red blood cells ko barhati ha jo k khoon ki kami ka ilaj karny k liye behtar product ha.

1: Medium size chukandar or 3 Gajjar (carrots) ko cut kar k juicer main iska juice banain or daily basis par istemal karein.

2: Juice peeny k elawa ap chukandar ki sabzi bana kar b khany me istemal kar sakty hain, warna salad k liye lazmi istemal karein.

Palak (Spinach):

khoon ki kami ka desi ilaj karny k liye sab se best sabzi palak ha q k is main iron bohat ziada amount main hota ha or isky elawa Vitamin B12 or folic acid b bohat ziada amount main hota ha.

Actually me ye khoon barhany k liye behatr is waja se ha q k is main wo sari properties hain jo k khoon ki kami ka bais banti hain, matlab ye apki sari body ki zarorat ko pora kar deti ha isi liye khoon ki kami ka ilaj karny k liye best item ha.

1: Palak ka soup bana kar piyen.

Palak ka soup banany k liye sab se pehly palak ko kuch time k liye pani main rakhien usky bad kisi Pan main makkhan (butter) dal lain or us main thora sa grind hwa adraak or pyaaz daal lain.Ab palak ko is makhan main dalein or thori dair k liye pakaty rahien or thora sa namak (salt) add kar lain.

Is ko kam se kam 1 month peeny se apka blood ki kami ka ilaj properly ho jayega.

Anaar (Pomegranate):

Khoon ki kami la ilaj karny k liye Anaar ko b doctors bohat ziada recommend karty hain q k is main iron or dosry minerals jaisa k calcium or potassium wagaira bohat ziada amount main hoty hain.
Isky elawa Anaar main Vitamin C hota ha jo k mazeed red blood cells banany or khoon barhany k asan tarika samja jata ha.

1: Daily medium size Anaar subha uthty sath khali pait khain.

2: Jitna ho saky Anaar ka juice piyen, Agar juice main thora shehad (honey) add kar lia jaye to ziada faidy mand rahy ga.

Khajoor (Dates):

Jaisa k hum janty hain k khajoor bohat c bemarion ka solution ha isi tarha iski help se ap khoon ki kami ka ilaj b kar sakty hain q k is main iron, calcium or magnesium bohat ziada amount main hota ha.

Khajoor main Vitamin C b itni amount main hota ha k apki body us se red blood cells banany main kamyab rehti ha or apka khoon barhana asan hojata ha.

1: Rat ko 2-3 khajoor ko doodh k cup main daboo kar kar rakh dain or subha uthty hi khali pait khajoor nikal k kha lain or us doodh ko pi lain.

2: Agar ap uper wala method use nahi karna chahty to sirf subha uth kar khali pait 2-3 khajoor daily khain ye method b khoon ki kami ka ilaj k liye best ha.

Apple and Banana:

Apple or banana b nutrients main bohat rich hain lekin ye uper diye gaye fruits ki nisbat effect karny main thora time lety hain.

Lekin ye idhar is waja se mentioned hain k jab b ap fruits khain to ye zaror istemal karein q k yeh kafi logon ki khoon ki kami ka ilaj karny ka kam karty rahy hain.

1: Daily 1 Apple chilky samait khain , ya apple k juice ko chukandar k juice k sath mix kar k piyen.

2: Daily 1 banana khain or usky sath 1 chamach shehad (honey) khain.

Anemia se Bachny ki Tips:

1: Iron foods or B12 or Vitamin C khaty rahien.

2: Daily thandy pani se kam se kam 2 dafa nahain is se blood circulation sahi se kam kary gi.

3: Agar ap khoon ki kami ka ilaj kar rahy hain to iron k bartan istemal karein.

4: Apni diet main fresh fruits or fresh vegetables add karein.

5: Apny khany k sath chaye, ya soft drinks jaisy k CocaCola mat istemal karein.

6: Daily exercise karein chahy wo 10 minute ki walk hi q na ho, but lazmi karein.

Ye tips istemal kar k ap khoon ki kami ka ilaj apny ghar par kar sakty hain, or is problem se bachny k liye uper diye gayi tips istemal karein.

Mazeed questions k liye neechy comment karein I will be happy to meet you in comments.

Leave a Reply

Your email address will not be published. Required fields are marked *