Nazla Zukam ka ilaj Fori

Nazla or Zukam aik viral disease hain jo k hamary upper respiratory system par effect karty hain or isky elawa lungs or throat par b kafi effect karty hain.

Nazla Zukam ka ilaj jitni jaldi ho saky karna chahiye q k ye futher health problems ki wajah ban sakta ha jaisa k ear infections or bronchitis wagaira…

Zukam bohat jald dosry person par effect karta ha isi liye agar apko ye problem ha to apni used cheez kisi ko na dain or agar kisi ko ha to khud istemal na karein: Shaid ye apko mjse b pehly ka pata ho…

Khair iski kafi sari medicines hain lekin un k kuch side effects hoty hain to ap ye home remedies istemal kar k nazla zukam ka desi ilaj kar sakty hain.

Nazla Zukam ka ilaj in Urdu:

Ye nazla zukam ka ilaj karne k totkay pori duniya main istemal kiye jaty hain or logon ko in se foran faraq parna start ho jata ha, Ap b istemal kar k zukam ka fori ilaj kar sakty hain…

Shehad (Honey):

Shehad hamary immune system ko boost karta ha or flu ki symptoms ko khatam karne main help karta ha.

Isky elawa shehad main antibacterial or antimicrobial properties b hoti hain jo k hamary healing process ko fast kar deti hain, Istemal karne ka tarika:

1: Simply ap 1 chamach shehad ko pani k glass main mix kar k piyen.

2: Isky elawa ap aik neem garam pani k glass main 1 chamach shehad mix karein or thora sa nimbo ka pani daal kar mix kar lain, Is se apky galy ki kharash khatam ho jaye gi.

Note: 1 Saal se kam umar k bachy ko nazla ka ilaj k liye shehad mat dain.

Nimbo (Lemon):

Nazla Zukam ka ilaj karne k liye ap Nimbo ka istemal b kar sakty hain q k is k andar antibacterial, antifungal, antiviral or anti-inflammatory properties hoti hain jo k ikathy nazla zukam k virus ko khatam karne main help karti hain.

1: Aik glass neem garam pani main half Nimbo ka pani daal kar mix karein or daily 2-3 dafa piyen jab tak zukam khatam nahi ho jata.

2: Isky elawa ap aik cup boil hoty huwy pani main 1 chamach shehad or 1 lemon mix kar dain or thori dair tak thanda hony k bad daily 2 dafa istemal karein, foran farak mehsos hoga.

Ye b Check Karein Zara: Khansi ka ilaj

Adraak (Ginger):

Adraak bohat sari common bemarion k liye best home remedy ha jis main nazla or zukam b shamil hain, Adraak ki anti-inflammatory properties apky flu ko foran khatam kar sakti hain.

1: Adraak ki chaye banain, half chamach grind huwa adraak 1 cup boil hoty huwy pani main dalein or bilkul thora sa shehad daal kar piyen, is se nazla zukam foran khatam hoga.

Adraak ki chaye daily 1-2 dafa peeny se apka nazla zukam or galy ki kharash khatam ho jaye gi.

Bhaap Lain (Steam):

Nazla zukam hamain balgham ki waja se hota ha or balgham ka ilaj karne k liye steam sab se best home remedy ha, Q k is se freeze huwa nazla flow main ajata ha or hamari body se flush ho jata ha.

1: Ap bhaap boil huwy pani ko kisi bowl main daal kar ly sakty hain, Is ka effect barhane k liye ap wix drops istemal kar sakty hain or uper towel ly kar kuch dair tak gehry sans leny se nazla zukam khatam ho jaye ga.

Akhri Alfaaz:

Nazla zukam ka ilaj karne k liye ye kuch home remedies hain jo k kafi effective samji jati hain, Lekin aik bat mind main rakhien k ye kuch time lain gi q k ye medicine nahi hain jo overnight effect karein lekin isy istemal karne ka faida ye ha k inka koi side effect bilkul nahi ha.

Secondaly, Jab ap nazla zukam ka ilaj k liye ye home remedies istemal karne ja rahy hain to sara kuch ikathy hi apply na karein balky in main se apko jo easily vaailable hain wo ap select kar lain or daily bataye huwy plan k mutabik istemal karein.Is se apka nazla zukam ka ilaj bohat asan ho jaye ga.

Mera Name Talha ha or main logon ki health problems solve karne main help karta hun, Agar apka kuch question ho to ap neechy comment kar sakty hain I will be happy to meet you in the comments.

Leave a Reply

Your email address will not be published. Required fields are marked *